Itziar Blanco: proiektuak eta komunikazioa haur hezkuntzan blogaren bidez

Pasa den ekainaren 4an, Itziar Blanco, Arteagabeitia eskolako HHko andereñoa, Getxoko Berritzegunean egon zen bere gelako esperientzia, lan proiektuen bidez gauzatuta, gurekin partekatzeko. Berak ere, ikasteko eta komunikatzeko teknologi berriak era naturalean txertatzen ditu lan proiektuetan, bai gelako jardueretan, baita familiekiko harremanetan ere.
Oso gustora egon ginen bere esperientziak, ideiak eta zailtasunak ere entzuten eta bere aurkezpena utzi zigun irakasle guztiekin partekatzeko.

Itziar Blanco: Proiektuak eta komunikazioa haur hezkuntzan blogaren bidez

Publish at Calameo or read more publications.

Bere mintzaldia bukatzeko utzi dizkigu egiten ari den MOOC, APRENDIZAJE BASADO EN PROYECTOS ikastaroaren aurkezpena eta bideoen estekak.

HH Mintegia 2014-2015
Bestaldetik, aprobetzatu nahi dugu sarrera honek ematen digun aukera datorren ikasturterako mintegi proposamena zabaltzeko. 

Azken urteetan gelara eramateko proposamenak, eguneroko egoeretan, umeen interesa eta bizipenetan oinarritzean ere, “proiektu txikiak” bilakatzen hasi direla eta mintzaldi  honen arrakasta ikusita hurrengo bi ikasturteei begira (14-16), HH MIntegirako proposamena “Lan-proiektuak gure gelan ” da. Ideia da gure geletan proiektu xumeak aurrera eraman ahala beste osagarri berriztatzaileak ere ezagutu gure lan-proiektuak aberasteko. Osagarri hauek: Bloom-en taxonomia, Adimen Anitzeko teoria, Adimen emozionala, Elkarlana eta Jolas kooperatiboa, pentsamendu-abileziak, ebaluaziorako tresna berriak: errubrikak eta portfolioa.

Logika eta gehiago: Irla eta dordokak Lemoizko eskolan

"Irla eta dordokak" jolasa noiz behinka proposatzen nuen nire gelan duela ea 20 urte. Garai hartan nire helburu nagusia zen "tentsioak askatzea". Gelan 25 ume zeuden eta batzuentzat zaila zen denbora luze gelan egotea, batez ere euria egiten zuenean eta atsedenaldian espazio txiki baten bakarrik mugitzeko aukera zutenean. Baina matematika eta hizkuntzako edukiak ere lantzen genituen. Bestaldetik, garai hartan ez nuen ezagutzen Howard Gardner-en Adimen anitzen teoria, baina banekien nire ikasle guztiek ez zutela berdin ikasten. Banekien, ere, jolasa zela mediorik hoberena ikasteko. Orain adimen anitzen teoria ezagutzen dugu, guztientzako eskola eskeini nahi dugu, ikasteko mediorik hoberena jolasa dela badakigu. Bestaldetik ikas-irakuskuntzaren xedea gaitasunak garatzea da eta, jolas honen bidez, nire ustez, gaitasun anitzak garatu daitezke, besteak beste, matematika.
Iaz, haur hezkuntzako mintegian logika matematika lantzen hasi ginenean, berriro frogatu nahi nuen gela baten irakasle guztiei proposamena egin baino lehen.
Esperientzia hau Lemoizko eskolan egin genuen, Maite Landaren gelan, non 4 eta 5 urteko umeak zeuden.
Jolastu eta gero, marrazki bat egitea eskatu genien umeei. Hemen daude jolasaren deskribapena eta ikasleen marrazkiak:

Irla eta dordokak. Lemoizko eskola

Publish at Calameo or read more publications.

Agurra

Ongi etorriak Getxo eta Leioako Haur Hezkuntzako geletako bloga kolaboratibo honetara!

     Duela hiru ikasturte, Txaro Franco-k (B07) eta Rosa Martínez-ek (B08),  HH MINTEGIA martxan jarri genuen 2 eskualdeko Haur Hezkuntzako irakaslegoari haien eguneroko lanaren inguruko gogoeta sustatzen laguntzeko asmoz.

Partaideak Getxo eta Leioako HHko irakasleak dira,publikakoak zein itunpekoak eta, hileroko maiztasunez bildu egiten gara Getxoko Berritzegunean.

Gure mintegiaren saioetan  zalantzak, beldurrak eta gelako praktika onak konpartitzeaz  gain ikasleengan Oinarrizko Gaitasunen garapena, metodologia berriztatzaileen ezagupena (Eskola Inklusiboaren oinarriak kontutan harturik) eta HHko irakasleei Gaitasun Digitalean trebatzeko laguntza ematea ere ardatzak izan ditugu.

Gai nagusia “Jolasa” (edozein gauza ikasteko umeen motorra) hartu genuen eta, “jolas sinbolikoa” aztertzen hasi ginen. Gero “esperimentazio jolasa” Zientzia Gaitasuna garatzeko medioa etapako 2. zikloan eta,1. ziklorako “altxorraren saskia/cesto de los tesoros” eta “jolas heuristikoa” ezinbesteko proposamenak ezarri genituen.
     Ikasturte honetan, 2012-2013, “jolas matematikoa” ren ildotik ibiltzen ari gara eta,  mintegikide guztien artean gure geletako esperientziak konpartitzeko asmoz Blog kolaboratibo hau sortu dugu. Badakigu bide berri baten hasieran gaudela eta hasiera guztiak zailak izaten direla beti, baina gure xedea asmo handikoagoa da:  gure geletako umeekin bloga erabiltzea:

• haien lanak eskegitzeko, sarreretan  haiek ere zerbait idazteko, ikastetxean egiten dena gurasoei erakusteko... 
• zonaldeko beste ikastetxeetan egindako lanak ikusteko, beste ikastetxeetako umeekin harremanetan hasteko, bi gela ezberdinetako umeen artean lan kolaboratiboak burutzeko...